ЯҢАЛЫКЛАР

Татарстан Республикасында 2020 елда медицина учреждениеләрен төзү һәм капиталь төзекләндерү мәсьәләләре бүген ТР Баш инвестиция-төзеше идарәсендә узган киңәшмәдә каралды. Чара идарәнең Көньяк-Көнчыгыш, Яр Чаллы һәм Көнбатыш территориаль бүлекләре белән видеоконференцэлемтә режимында уздырылды.

Киңәшмәне ТР Баш инвестиция-төзеше идарәсе директоры Марат Айзатуллин уздырды. Анда шулай ук ТР сәламәтлек саклау минстры урынбасары Илдар Фатыйхов, проект һәм подряд оешмалары вәкилләре катнашты.

Алабуга районының Хлыстово авыланда тамашачылар залын, китапханә, түгәрәк дәресләре һәм методика кабинетларын берләштергән күпфункцияле үзәк ачылды

Үзәк 2019 елда Татарстанда авыл клубларын төзү республика программасы ярдәмендә барлыкка килде. Төзелеш өчен республика казнасыннан 12,9 млн. сум бирелде.

Бүген Казанның “Салават күпере” микрорайонында Илһам Шакиров урамында төзелгән һәркайсы 198 фатирдан торган 9 һәм 5 номерлы ике йорт файдалануга тапшырылды. Яңа йортларда бюджет оешмаларында эшләүчеләр, ятим балалар, грант алучы табиблар, шулай ук авария һәлендәге торакларлардан күчеп килүчеләр яшәячәк.

Йортларны төзүче – инвестор  - ТР Президента каршындагы Дәүләт торак фонды. Техник заказчы – “Баш инвестиция-төзелеш идарәсе” дәүләт казна учреждениесе, подрядчы – “Ак Барс Строй” ҖЧҖ. Йортларның һәркайсы 18 каттан, 2  подъездан тора. Фатирларның гомуми мәйданы якынча 10 мең кв.метр

Бүген Казанның «Сәйдәш» мәдәният сараенда «Безнең ишегалды» республика программасын гамәлгә ашыру кысаларында мәгариф воркшопына йомгак ясадылар. 

Искәртәбез, мәгариф воркшопы 27 гыйнварда башланып китте. Чараның төп максаты ишегаллары территорияләрен комплекслы үстерү тәкъдимнәрен әзерләү, аларны хәл итү юлларын ачыклау, шулай ук программаны гамәлгә ашыруга карата системалы алымнар табу иде.

Лениногорскида капиталь төзекләндерүдән соң Бадминтон үсеше үзәге ачылды. Үзәкне төзекләндерү Татарстанда 2019-2022 елларда гамәлгә куела торган физик күнегүләр һәм спорт үсеше буенча дәүләт программасын нигезендә тормышка ашырылды.  

Яңартылган спорт бинасының мәйданы – 1,6 мең кв.метр. Төзекләндерүгә республика казнасыннан 12,5 млн. сум акча бирелгән. Эш барышында бинаның түбәсе, ал диварлары, витражлар, инженер-техник тәэмин итү системалары ремонтланган. Шулай ук эчке бизәкләү эшләре башкарылган.

Бина алдын һәм аның эчендәге аерым элементларын реставрацияләү турында бүген Юдино бистәсендәге Тимерьюлчылар мәдәният йортында объектны капиталь төзекләндерү кысаларында узган киңәшмәдә сөйләштеләр.

Фикер алышуда ТР мәдәният министры Ирада Әюпова, ТР мәдәни мирас объектларын саклау комитеты рәисе Иван Гущин, ТР Баш инвестиция-төзелеш идарәсе директоры Марат Айзатуллин, Казан шәһәренең Киров һәм Мәскәү районнары администрациясе башлыгы Сергей Миронов һәм башкалар катнашты.

Бүген Татарстан Республикасы Президенты Рөстәм Миңнеханов һәм Татарстан Республикасы Дәүләт Киңәшчесе Минтимер Шәймиев Изге Ана иконасы соборын тергезү эшләре барышы белән таныштылар.

Татарстан Республикасы Президенты һәм Татарстан Республикасы Дәүләт Киңәшчесе белән бергә соборда шулай ук ТР Президент Аппараты җитәкчесе Әсгать Сәфәров, ТР төзелеш, архитектура һәм торак-коммуналь хуҗалык министры Ирек Фәйзуллин, ТР Баш инвестиция-төзелеш идарәсе директоры Марат Айзатуллин һәм башкалар булды.

Татарстанның Кама Тамагы районында Куйбышев Затон шәһәр тибындагы поселогында дәвалау амбулаторяисе һәм Олы Бортас авылында фельдшер-акушерлык пункты ачалды.

Объектлар 2019 елда республика программаларын гамәлгә кую кысаларында төзелгән.

Түбән Камада Туфан Миңнуллин исемендәге дәүләт драма театрының яңартылган бинасын ачу тантанасы узды.

Ачылу тантанасында сәхнәдә спектакльләрдән өзекләрдән тыш, җырлар яңгырады һәм биюләр тәкьдим ителде.

Быел театр бинасында капиталь реконструкция уздырылды. Республика программасы кысаларында бүленгән финанс чараларына 250 урынлы яңа зал төзелде. Элек төп зал буларак файдаланылган кече зал төзекләндерүдән соң татар балалар театры карамагына тапшырылды.

Казанның “Салават күпере” микрорайонында “Дуслар” балалар бакчасы ачылды. Яңа бакча 220 урынга исәпләнгән, аның 120 се – ясле балалары өчен.

Мәктәпкәчә учреждениедә физик күнегүләр, музыка заллары, медотика һәм логопед кабинетлары эшли. Шулай ук татар теле дәресләре бүлмәсе бар. Бакча территориясендә спорт-уен мәйданчыгы төзелгән.