ЯҢАЛЫКЛАР
Зәй кече фәннәр академиясе яңа бинага күчте. Аны ачу тантанасы район башлыгы катнашында узды.
Бүген сәләтле балаларны бер түбә астына җыйган бинада капиталь төзекләндерү эшләре 2019 елның көзендә башланды. Кыска вакыт эчендә бина алды яңартылды, инженер-техник тәэмин итү системасы, тәрәзә һәм ишекләр алмаштырылды. Шулай ук тулы күләмдә эчке бизәкләү эшләре һәм территорияне төзекләндерү эшләре башкарылды. Бу максатка республика казнасыннан 27 млн. сум акча бирелде.
Татарстан Республикасы Президенты Рөстәм Миңнеханов кичә Имәнлек паркында булды. Ул анда паркның керү зонасында реконструкция нәтиҗәләре белән танышты.
Торак фонды һәм иҗтимагый-мәдәни объектларны капиталь төзекләндерү республика программаларының гамәлгә куелышы турында төзелеш, архитектура һәм торак-коммуналь хуҗалык минстры Ирек Фәйзуллин бүген ТР Хөкүмәт йортында узган киңәшмәдә сөйләде. Киңәшмәне республиканың барлык муниципалитетлар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Бүген «Салават күпере» микрорайонында ике мәктәпкәчә белем бирү учреждениесе – Наил Йосыпов урамында 121 нче “ЭврикУм” балалар бакчасы һәм 122 нче “Сәлам” татар балалар бакчасы ачылды. Һәр учреждение 260 урынга исәпләнгән.
Бүген Казанда тантаналы рәвештә "Сәйдәш" мәдәни үзәге капиталь ремонттан соң ачылды. Чарада Татарстан Республикасы Президенты Рөстәм Миңнеханов катнаштыю
Бинаның беренче катында кафе, коворкинг (архитекторлар өчен иҗади лаборатория), китапханә урнашкан. Икенче ката - камера музыкасы залы һзм музыкаль салон, рәсем сәнгате һәм декоратив сәнгать кабинетлары, күп функцияле зал, күргәзмә залы, бию залы урнашкан.
Татарстан Премьер-министры Алексей Песошин бүген Чистайда булды. Ул анда, Чистай шәһәр судының яңа бинасы ачылышында катнашты.
Объект судьялар һәм хезмәткәрләр барлык тиешле биналар һәм суд утырышлары заллары белән тәэмин ителгән. Суд утырышлары залларында видеоконференцэлемтә комплектлары һәм аудиопротоколлаштыру системалары урнаштырылган.
Бүген Татарстан Республикасы Президенты Рөстәм Миңнеханов Зеленодольск районының Осиново авылында В.В. Карпов ис. лицей бинасын ачты.
Мәгариф учреждениесендә Осиново, Яңа Тура, Воронино, Ремплер һәм Ивановское торак пунктларында яшәүче балалар белем ала. Яңа корпус 800 урынлык.
Татарстан Республикасында социаль объектлар төзелеше һәм капиталь төзекләндерү турында бүген ТР төзелеш, архитектура һәм торак-коммуналь хуҗалыгы министры Ирек Фәйзуллин ТР Хөкүмәт йортында узган киңәшмәдә сөйләде.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды.
ТР Түбән Кама муниципаль районының Зур Афанас авылында капиталь төзекләндерелгән мәдәният йорты ачылды. Зур Афанас - Түбән Каманың иң зур территорияләренең берсе, биредә 4 мең кеше яши.
Мәдәният йорты бинасы 1971 елда төзелгән һәм күп еллар дәвамында ремонтланмаган.
ТР Чистай муниципаль районында капиталь төзекләндерүдән соң мәдәният йортын ачу тантанасы узды.
Ремонт кысаларында объектның түбәсе, ишек-тәрәзәләре алыштырылган, җылыту системасы төзекләндерелгән эчке бизәкләү эшләре башкарылган.