ЯҢАЛЫКЛАР

ТР Тукай муниципаль районының Түбән Суык-Су авылында “Алга” универсаль спорт комплексын ачу тантанасы узды.

Ачылыш тантанасында ТР Дәүлә Советы рәисе урынбасары Марат Әхмәтов, ТР спорт министры урынбсары Хәлил Шәйхетдинов, район башлыгы Фаил Камаев һәм башкалар катнашты.

Яңа объект спортның күп төрләре өчен яраклы. Биредә күнегүләр залы, баскетбол, волейбол һәм мини-футбол буенча ярыш уздыру, көрәш һәм тренажер заллары бар.

Кичә Татарстан Республикасы Президенты Рөстәм Миңнеханов Яшел Үзән муниципаль районында эш сәфәрендә булды.

Ул 220 урынга исәпләнгән «Кораблик» яңа балалар бакчасын ачуда катнашты. Объект бер елдан да ким вакыт эчендә төзелгән. Бакчада 12 төркем булачак, шул исәптән 1 – 3 яшьлек балалар өчен 6 ясле төркеме, 3 – 4 яшьлекләр өчен 1 төркем, 5 – 6 яшьлекләр өчен 1 өлкән төркем, 2 уртача яшьтәгеләр һәм 2 әзерлек төркеме эшләячәк.  

Монда физкультура һәм музыка заллары, методика кабинеты, психолог һәм логопед кабинетлары, медицина блогы һәм башкалар бар.

“Бу – республикада район җирлегендә төзелүче иң зур мәктәп. Әлегә кадәр бу күләмдәге укучыларны сыйдырышлы мәктәпләр бары тик Казан, Яр Чаллы, Алабуга һәм Түбән Кама шәһәрләрендә генә төзелде. Төзелеш “Торак һәм шәһәр моһите” илкүләм проектын тормышка  ашыру кысаларында башкарыла”. Бүгенге көнгә төзелеш эшләре тәмамланды. Хәзер инженер-техник челтәрләрне урнаштыру, эчке эшләр һәм территорияне төзекләндерү бара”, - дип сөйләде ТР Баш инвестиция-төзелеш идарәсе директоры урынбасары Станислав Шырыбыров.

Бүген Казанның Дәрвишләр бистәсендәге С.Сәид-Галиев исемендәге мәдәният сарае капиталь ремонттан соң ачылды. Тантанада Россия Федерациясе Хөкүмәте Рәисе урынбасары Марат Хөснуллин, Татарстан Республикасы Президенты Рөстәм Миңнеханов, Россия Федерациясе мәдәният министры урынбасары Владимир Осинцев, Татарстан Республикасы Премьер-министры Алексей Песошин катнашты.

С.Сәид-Галиев исемендәге мәдәният сарае – Казанның иң өлкән мәдәният сарайларының берсе, Сталин дәвере архитектура һәйкәле, аңа совет партия эшлеклесе Сәхибгәрәй Сәид-Галиев исеме бирелгән. Бу мәдәният учагы 1959 елда төзелгән.

“Республикада җәйге лагерьлар күптән төзелгәне булмады. Совет чорыннан соң төзелүче бу беренче лагерь дип әйтергә мөмкин. Проектны “Татинвестгражданпроект” институты эшләде. Ул башка регионнарда да файдаланылыр дип уйлыйбыз. Төзү эшләрен башлар алдыннан башка субъектлар тәҗрибәсен өйрәндек, ләкин ярашлы стандарт проектлар тапмадык”, дип сөйләде ТР Баш инвестиция-төзелеш идарәсе директоры Марат Айзатуллин. Идарә лагерь төзелешенең дәүләт заказчысы.

90 кешегә исәпләнгән лагерь 9 корпустан тора, шул исәптән, 3 йокы корпусы, ашханә, клуб, медицина пункты бар.  1 июльгә төзелеш-монтаж эшләрен тәмамлау планлаштырыла, соңрак ТР Яшьләр эшләре министрлыгына тапшырылачак.

Кичә Яр Чаллы шәһәрендә “Юбилейный” йөзү бассейны ачылды. Яңа объектны ачу тантанасында Татарстан Президенты Рөстәм Миңнеханов катнашты.
Бу спорт корылмасы  «Демография» илкүләм проектының «Спорт – тормыш нормасы» федераль проекты кысаларында төзелгән.
Бассейн бер ел эчендә төзелгән. Анда олылар өчен 6 юл, балалар бассейны бар, тамашачылар өчен 50 урынлык трибуналар, коры йөзү залы, тренажер зал каралган.  Бассейн тәүлегенә 600 кешегә хезмәт күрсәтә алачак, шул исәптән, 450 – олылар һәм 150 бала өчен. 

Бүген Чаллыга эш сәфәре барышында Татарстан Республикасы Президенты Рөстәм Миңнеханов шәһәр инфраструктурасы объектларын төзекләндерү белән танышты. Ул Азатлык мәйданына барды һәм анда республика программасы кысаларында үзгәртеп коруның барышы белән танышты.

Түбән Кама районына эшлекле сәфәре кысаларында Татарстан Республикасы Президенты Рөстәм Миңнеханов  "Кама" балалар һәм яшүсмерләрне сәламәтләндерү, ялларын һәм эш белән тәэмин итүне оештыру үзәгендә булды.

Биредә ул видеоконференцлемтә аша Татарстан Республикасы Хөкүмәте белән "Артек" халыкара балалар лагере арасында килешүгә кул куюда катнашты. Документка имзаларын ТР Премьер-министры урынбасары Ләйлә Фазлыева һәм "Артек" ФДБМУ директоры Константин Федоренко куйдылар.

ТР Баш инвестиция-төзелеш идарәсендә бүген балаларны сәламәтләндерү лагерьларын төзү, капиталь төзекләндерү һәм реконструкцияләү мәсьәләләре каралды. Киңәшмә идарәнең Яр Чаллы, Көньяк-Көнчыгыш һәм Көнбатыш территориаль бүлекләре белән видеоконференцэлемтә режимында үтте. Аны Баш инвестиция-төзелеш идарәсе директоры Марат Айзатуллин уздырды.

Чарада шулай ук ТР яшьләр эшләре министры урынбасары Ринат Садыков, проект һәм подряд оешмалары вәкилләре катнашты.

Казанның Нәҗип Җиһанов урамында 1224 урынга исәпләнгән гомуми белем бирү мәктәбен төзү үз-үзеңне изоляцияләү чорында да төзүне дәвам итәләр. Объектны яңа уку елына файдалануга тапшырырга планлаштыралар. Бу турыда «Ак таш» төзелеш компаниясе директоры урынбасары Дмитрий Клыков сөйләде.