ЯҢАЛЫКЛАР

Бөгелмә үзәк район хастаханәсенең Ленин урамы 90 йортта урнашкан инфекция бүлегендә төзекләндерү эшләре тәмамланып килә. Объектның әзерлек дәрәҗәсе 74 процент тәшкил итә.

3 катлы бинаның гомуми мәйданы 5,3 мең квадрат метр. Капиталь төзекләндерү барышында демонтаж эшләре башкарылган, бинаның түбәсе алмаштырылган. Хәзерге вакытта эчке бизәкләү эшләре, шул исәптән диварларны штукатурклау, буяу, плитә ябыштыру һәм тәрәзә блокларын монтажлау эшләре дәвам итә. Моннан тыш, электромонтаж эшләре, санитар-техник җиһазлар урнаштыру бара.

Казанда рус, татар һәм инглиз телләрен тирәнтен өйрәнүле «Адымнар — белемгә һәм татулыкка юл» беренче полилингваль белем бирү комплексы ачылды.

Татарстан Президенты Рөстәм Миңнеханов яңа уку үзәге ачылу уңаеннан үзенең сәламләү хатын юллады.

«Сезне чын күңелдән Белем көне белән котлыйм. 1 сентябрь көнне безнең балалар өчен яңартылган уку йортлары ишекләрен ачсын өчен, ел дәвамында без зур эш башкарабыз.  Бүген бу искиткеч мәктәпнең урта буын укучылары өчен яңа корпусын ачабыз", - диелә котлауда.

Рөстәм Миңнеханов билгеләп үткәнчә, Яңа мәгариф оешмасы бинасында күп функцияле спорт заллары, бассейннар, иҗади остаханәләр, фәнни лабораторияләр, видео - һәм тавыш яздыру студиясе, заманча китапханә бар. "Болар барысы да сезгә, кадерле балалар, фән, сәнгать, мәдәният һәм спорт дөньясына кагылырга мөмкинлек бирәчәк, анда сезне укытучыларыгыз озатып йөриячәк»,- дип ассызыклады ул.

Татарстан Премьер-министры Алексей Песошин Казанның 187нче күп профильле лицей укучыларын Белем көне һәм яңа уку елы башлану белән котлады.

Лицей Казанның Совет районында (Нәҗип Җиһанов урамы, 4 нче йорт)урнашкан һәм 1224 укучыга исәпләнгән.Бинада башлангыч сыйныфлар өчен аерым блок каралган. Шулай ук озайтылган көн төркемнәре өчен 4 уен бүлмәсе, 2 йокы бүлмәсе, логопед кабинеты урнашкан. Спорт блогы бассейннар һәм спорт залларыннан тора (шул исәптән, 529 кв.метрлы зур зал һәм 281 кв.метрлы кече спорт залы). 456 урынлы ашау бүлмәсе, 562 урынлы актлар залы, музыка, хореография һәм башка кабинетлар урын алган. Лицей базасында Совет районының 21 нче балалар музыка мәктәбе филиалы эшләячәк. Моннан тыш, бинаның 1нче катында инженер-технология сыйныфлары, программалаштыру, пилотсыз очкыч аппаратлары һәм башка сыйныфлардан торган IT-полигон урнашкан.

Бүген безнең бурыч –хәзерге шартларда балаларга конкуренциягә сәләтле булырлык яхшы белем бирү. Бүген бу хакта Татарстан Республикасы Президенты Рөстәм Миңнеханов Чистайда 2 нче лицей ачылышында хәбәр итте. Лицейны ачу тантанасы Татарстан Республикасы Президентының Чистай муниципаль районына сәфәре кысаларында узды.

Яңа лицей шәһәрнең Полющенков урамында урнашкан һәм 800 урынга исәпләнгән. Мәктәп берничә функциональ зонага бүленгән. Башлалангыч сыйныфлар 1 нче һәм 2 нче катта урнашкан. Спорт зонасы мәктәп яны территориясенә чыгарлык итеп оештырылган. Киенү бүлмәләре, душлар, санузеллар тиешенчә корылган. 1нче катта шулай ук 400 урынга исәпләнгән аш залы, 2 нче катта 266 урынга исәпләнгән актлар залы, 3 нче катта китапханә урын алган.

Бүген Татарстан Республикасы Президенты Рөстәм Миңнеханов Советлар Союзы Герое Галимҗан Камалиев исемендәге күп юнәлешле яңа мәктәп ачты. Мәктәп Питрәч муниципаль районының «Царево Village» торак комплексында төзелгән һәм 1224 укучыга исәпләнә. Мәгариф оешмасы «Мәгариф» илкүләм проекты кысаларында корылган.

«Әлегә кадәр авыл районнарында мондый дәрәҗәдәге мәктәпләр төзелмәде, - диде Рөстәм Миңнеханов. – Бу – үрнәк проект. Янәшәдә балалар бакчасы булу, торак комплексы төзелү икеләтә күркәм. Балалар өчен бөтен шартлар да тудырыла. Мәктәпнең Советлар Союзы Герое Галимҗан Камалиев исемен йөртүе дә сөенечле. Ата-бабаларыбыз салган традицияләр, аларның Бөек Ватан сугышы чорындагы каһарманлыкларын без һәрвакыт истә тотарга тиеш. Яңа буынны безнең геройлар мисалында тәрбияләргә кирәк».

Бүген Казанның Юдино бистәсендә капиталь төзекләндерүдән соң Тимер юлчылар мәдәният сарае ачылды. Тантанада Татарстан Республикасы Президенты Рөстәм Миңнеханов һәм Россия Федерациясе Хөкүмәте Рәисе урынбасары Марат Хөснуллин катнашты.

Тимер юлчылар мәдәният сарае – Казанның иң борынгы мәдәният йортларыннан берсе, тарихи архитектура ядкяре. Объект 1959 елда төзелгән. Реконструкция барышында белгечләр бинаның тарихи йөзен сакларга тырышкан. Бизәкләүдә, мәгълүмати күрсәткечләрдә тимер юлы темасы чагылыш тапкан.

Казанда Кабан күле яр буеның икенче чираты ачылды. Яңартылган яр буенда Татарстан Республикасы Президенты Рөстәм Миңнеханов, Россия Хөкүмәте рәисе урынбасары Марат Хөснуллин, Россия Президентының Идел буе Федераль округында вәкаләтле вәкиле  Игорь Комаров һәм башка дәрәҗәле кунаклар булды.

Биредә спорт мәйданы, барбекю зонасы эшли, яшүсмерләр спорт мәктәбенең ишкәкле спорт күнегүләре уза, күл чистрату һәм дендрология системасыбулдырылган. Велосипедчылар юлы эшләнгән. Шулай ук территориядә көймә прокаты, кафе һәм туалет эшләячәк.

Татарстан Республикасы Премьер-министры Алексей Песошин кичә эшлекле сәфәр белән Апас муниципаль районында булды.  

Сәфәр барышында ТР Премьер-министры Апас районы үзәгендә капиталь төзекләндерелгән мәдәният йортында булды (Гагарин ур., 9 йорт).

Бина республика бюджеты хисабына капиталь төзекләндерелгән. 1977 елда төзелгән Мәдәният йорты бинасында җылыту системасын яңартканнар һәм тәрәзәләре алыштырылган. Ярты ел эчендә подрядчылар фундаментны ныгыткан, электр һәм су белән тәэмин итү системаларын алыштырган, түбәне ремонтлаган. Әйләнә-тирәне төзекләндергәннәр. Яңа мебель һәм җиһазлар куйганнар.

Бүген Татарстан Республикасы Президенты Рөстәм Миңнеханов «Созвездие–Йолдызлык» арт-резиденциясен ачуда катнашты. Яңа мәйданчык Казандагы тарихи Алафузов театры бинасында урнашкан (Гладилов ур., 49).

Чарада Башкортостан Республикасы Башлыгы Радий Хәбиров та катнашты.

Рөстәм Миңнеханов чыгышында билгеләп үткәнчә, Татарстанда «Созвездие-Йолдызлык» хәрәкәте булу белән горурланалар, анда 70-90 меңләп бала катнаша. Яңа «Созвездие–Йолдызлык» театрын ул ТАССРның еллыгына шәһәр кешеләре өчен лаеклы бүләк дип атады. «Сез монда иҗат итә аласыз, - диде Рөстәм Миңнеханов. - Казанның мәдәният картасында яңа нокта барлыкка килде, ул шәһәрнең бөтен Киров районына яңа импульс бирәчәк».

Чаллы шәһәрендә “Демография” илкүләм проекты кысаларында төзелгән яңа боз сарае ТР Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды.

Бинаның гомуми мәйданы – 4,4 мең кв.метр. Боз кырының размеры – 58x28 метр. Шулай ук бинада хоккейчылар өчен 4 киенү-чишенү бүлмәсе, гардероб, медицина кабинеты, кар чистарту җайланмасын саклау урыны, спортчылар өчен шөгыльләнү һәм шугалакларны прокатка бирү заллары урнашкан. Спорт объекты 230 утырту урынына исәпләнгән.