ЯҢАЛЫКЛАР

Татарстанда  «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль программасын гамәлгә ашыру кысаларында бүгенге көндә республиканың муниципаль районнарында 33 объект төзекләндерү тәмамланган, шул исәптән Казанда 6 объект («Бөек Ватан сугышы ветераннары аллеясы» скверы, Балыкчы бакчасы, Чуйково күле, Татарстан Республикасы төзелеш тармагы төзелүнең 100 еллыгы скверы һ.б.).

Татарстан бирелгән авыл ипотекасы күләме буенча лидер төбәкләр өчлегенә керә. Займ кысаларында республиканың барлык районнарында әзер йортлар сатып алына, әмма Питрәч, Биектау һәм Лаеш районнары аеруча популяр.

Бүген корыч төзелешне үстерү ассоциациясенең (АРСС) тармак сессиясендә төзелештә металл конструкцияләр җитештерү һәм кадрлар әзерләү мәсьәләләре буенча фикер алыштылар. Чара Казан дәүләт-архитектура-төзелеш университетында узды. Сәламләү сүзе белән ТР Төзелеш, архитектура һәм ТКХ министры урынбасары Илшат Гыймаев чыгыш ясады.

Чарада АРСС генераль директоры Александр Данилов, «Евраз» һәм «Северсталь» компаниясе вәкилләре спикерлар булды.

Илшат Гыймаев үз чыгышында җитештерү, төзелеш һәм кадрлар белән тәэмин итү мәсьәләләрен хәл итү юлларын атады. “Республикада сәнәгать төзелешендә масштаблы проектларны гамәлгә ашыру дәвам итә. Нефть-газ химиясе комплексының яңа проектларын тәэмин итү өчен, гражданлык төзелешендә төзелеш индустриясенең тиешле базасы кирәк. Республика заводларының, барыннан да элек, агымдагы шартларда саклап калырга һәм киләчәктә сыйфатны яхшырту, ассортиментны һәм номенклатураны киңәйтү өчен үстерергә кирәк», – дип билгеләп үтте министр урынбасары.

Чара кысаларында шулай ук АРСС металл конструкцияләрен проектлау буенча яңа дәреслек тәкъдим ителде. Эшләнгән материаллар бакалавр һәм аспирантура программалары өчен мәгариф системасы тарафыннан тәкъдим ителә.

Казан Экспо»да II Халыкара төзелеш чемпионатын ябу һәм җиңүчеләрне бүләкләү тантанасы булды. Чарада Татарстан Республикасы Президенты Рөстәм Миңнеханов һәм РФ төзелеш һәм ТКХ министры Ирек Фәйзуллин катнашты.

Татарстан Республикасында торак төзелеше программасы үтәлде диярлек. Планлаштырылган күрсәткечләрнең 98% ы тәшкил итә. Бу хакта Татарстан Республикасы Хөкүмәте Йортында узган киңәшмәдә республиканың Төзелеш, архитектура һәм торак-коммуналь хуҗалык министрының беренче урынбасары Алексей Фролов хәбәр итте.

Быел Татарстан Республикасында региональ, федераль программалар һәм илкүләм проектлар белән якынча 4 мең объект колачланган. Бу хакта ТР Төзелеш, архитектура һәм ТКХ министры Марат Айзатуллин «100% Татарстан» онлайн-форумы кысаларында сөйләде.

Бүген ТР төзелеш, архитектура һәм торак-коммуналь хуҗалык министры Марат Айзатуллин «Сәламәтлек архитектурасы - MES 2022» XIV халыкара фәнни-гамәли конференциясендә, регионнарның үсеш двигателе буларак Сәнәгать төзелеше пленар утырышында, төзелеш белән хезмәттәшлек буенча Хөкүмәтара советның XLIII утырышында катнашты. Чара «Казан Экспо» Халыкара күргәзмә үзәгендә II Халыкара төзелеш чемпионаты кысаларында узды.

Бүген «Казан Экспо» Халыкара күргәзмә үзәгендә төзелеш тармагы өчен полимер материаллардан яңа чишелешләр һәм аларны куллану үзенчәлекләре турында фикер алыштылар.

II Халыкара төзелеш чемпионатының тантаналы ачылышы «Казан Экспо» күргәзмә комплексы мәйданчыгында узды.

Предприятие инженерлары, инженер белгечлеге алган югары уку йортлары студентлары «Ел инженеры-2022» республика конкурсында катнаша ала.