Россиядә “Төзелеш” дәүләт программасы гамәлгә ашачак
2023 елның 1 гыйнварында Россиядә яңа комплекслы «Төзелеш» дәүләт программасы эшли башлаячак. Бу хакта РФ Төзелеш министрлыгы башлыгы урынбасары Юрий Гордеев сөйләде.
Расланган дәүләт программасының төп бурычлары - 2022 елда объектларны файдалануга тапшыру күләменә карата адреслы программага кертелгән капиталь төзелеш объектларында тапшыру күләмен 1,5 тапкырдан да ким булмаган күләмдә арттыру һәм тәмамланмаган объектларның федераль реестрына кертелгән тәмамланмаган объектларның санын 2 тапкырга киметү.
Эшнең төп максаты – бюджет акчаларын икътисадка максималь рәвештә тиз җәлеп итү һәм казначылык хезмәтен, башка механизмнарны оптимальләштерү хисабына аларның әйләнешен тизләтү. Программаны гамәлгә ашыру 2027 елга кадәр төгәлләнеп килә торган торак, коммуналь, транспорт, социаль һәм туристик инфраструктураны алга таба үстерүне күздә тота.
«Төзелеш» комплекслы дәүләт программасы турында тулырак мәгълүмат Россия Федерациясе Төзелеш һәм торак-коммуналь хуҗалык министрлыгы сайтында бирелгән.