Татарстанда күп фатирлы йортларны капиталь төзекләндерү 99,5% ка үтәлгән
«Торак фонды мониторингы» дәүләт мәгълүмат системасы буенча, төзү-монтаж эшләре 753 йортның 697сендә тулысынча тәмамланган. 56 КФЙда эшләр дәвам итә. Бу хакта ТР Төзелеш, архитектура һәм ТКХ министрының беренче урынбасары Алексей Фролов ТР Хөкүмәте Йортында Татарстан Республикасы Премьер-министры Алексей Песошин катнашында узган киңәшмәдә хәбәр итте.
Киңәшмә барышында ведомство башлыгы урынбасары шулай ук ягулык чорына әзерлек паспортлары алу турында мәгълүматлар китерде: әзерлек актларын 157 җылылык белән тәэмин итүче һәм җылылык челтәре оешмалары алды, бу планның 92% тәшкил итә. 36 муниципаль райондагы 143 оешма әзерлекне тулысынча төгәлләде. Республиканың 27 районы муниципаль берәмлекнең әзерлек паспортларын алды.
Соңыннан Алексей Фролов җылылык белән тәэмин итүче һәм җылылык челтәрләре оешмалары өчен – 1 ноябрьгә кадәр, муниципаль берәмлекләр өчен - 15 ноябрьгә кадәр паспорт алу вакыты турында искәртте.