ЯҢАЛЫКЛАР
Түбән Камада Тынычлык проспекты буенча 92-нче номерлы 169-фатирлы торак йортка яшәүчеләр күченде. Яңа фатирларда социаль ипотека программасында катнашучылар яшәячәк. Яңа төзелеш ТР Президенты каршындагы Дәүләт торак фонды инвестицияләре хисабына төзелгән.
“Элеккечә безнең игътибар һәм кайгырту үзәгендә – кеше. Без илкүләм проектларны, шулай ук тормыш сыйфатын күтәрүгә юнәлдерелгән республика программаларын гамәлгә ашыруны тулы күләмдә дәвам итәбез. Агымдагы елда алар 44. Татарстан бюджетыннан 46 млрд.сумнан артык акча бүлеп бирелде”, – дип билгеләде бүген Татарстан Республикасы Президенты Рөстәм Миңнеханов Татарстан Республикасы Дәүләт Советына еллык Юлламасында.
Пресс-конференция барышында дәүләт программаларын тормышка ашыру турында ТР Төзелеш, архитектура һәм ТКХ министрының беренче урынбасары Алексей Фролов сөйләде.
Бүген пресс-конференциядә ТР Төзелеш, архитектура һәм ТКХ министрының беренче урынбасары Алексей Фролов социаль-мәдәни объектлар төзү буенча милли проектларны һәм дәүләт программаларын гамәлгә ашыруның барышы турында хәбәр итте.
Бүген ТР Төзелеш, архитектура һәм торак - коммуналь хуҗалык министры Марат Айзатуллин төзелеш компетенцияләре буенча «Яшь профессионаллар»-2022 X Милли чемпионаты финалы призерлары белән очрашты.
Бүген ТР Президенты каршындагы Дәүләт торак фонды И.Шакиров проспекты, №2, 2а һәм 4 адреслары буенча «Сандугач» ТК соңгы өч йортның фатирларына ачкычлар бирде.
Татарстан Республикасында күп фатирлы торак йортларны капиталь ремонтлау һәм инженерлык инфраструктурасын модернизацияләү республика программаларын гамәлгә ашыру ахыргы стадиясенә керде. Бүген бу хакта Татарстан Хөкүмәте Йортында уздырылган республика киңәшмәсендә Татарстан Республикасы Төзелеш, архитектура һәм ТКХ министры Марат Айзатуллин хәбәр итте.
Киңәшмәне Татарстан Республикасы Президенты Рөстәм Миңнеханов үткәрде. Барлык муниципаль районнар да видеоконференцэлемтә буенча киңәшмәгә кушылды.
Татарстанда «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль программасын гамәлгә ашыру кысаларында бүгенге көндә республиканың муниципаль районнарында 33 объект төзекләндерү тәмамланган, шул исәптән Казанда 6 объект («Бөек Ватан сугышы ветераннары аллеясы» скверы, Балыкчы бакчасы, Чуйково күле, Татарстан Республикасы төзелеш тармагы төзелүнең 100 еллыгы скверы һ.б.).
Татарстан бирелгән авыл ипотекасы күләме буенча лидер төбәкләр өчлегенә керә. Займ кысаларында республиканың барлык районнарында әзер йортлар сатып алына, әмма Питрәч, Биектау һәм Лаеш районнары аеруча популяр.
Бүген корыч төзелешне үстерү ассоциациясенең (АРСС) тармак сессиясендә төзелештә металл конструкцияләр җитештерү һәм кадрлар әзерләү мәсьәләләре буенча фикер алыштылар. Чара Казан дәүләт-архитектура-төзелеш университетында узды. Сәламләү сүзе белән ТР Төзелеш, архитектура һәм ТКХ министры урынбасары Илшат Гыймаев чыгыш ясады.
Чарада АРСС генераль директоры Александр Данилов, «Евраз» һәм «Северсталь» компаниясе вәкилләре спикерлар булды.
Илшат Гыймаев үз чыгышында җитештерү, төзелеш һәм кадрлар белән тәэмин итү мәсьәләләрен хәл итү юлларын атады. “Республикада сәнәгать төзелешендә масштаблы проектларны гамәлгә ашыру дәвам итә. Нефть-газ химиясе комплексының яңа проектларын тәэмин итү өчен, гражданлык төзелешендә төзелеш индустриясенең тиешле базасы кирәк. Республика заводларының, барыннан да элек, агымдагы шартларда саклап калырга һәм киләчәктә сыйфатны яхшырту, ассортиментны һәм номенклатураны киңәйтү өчен үстерергә кирәк», – дип билгеләп үтте министр урынбасары.
Чара кысаларында шулай ук АРСС металл конструкцияләрен проектлау буенча яңа дәреслек тәкъдим ителде. Эшләнгән материаллар бакалавр һәм аспирантура программалары өчен мәгариф системасы тарафыннан тәкъдим ителә.