ЯҢАЛЫКЛАР
Татарстан Республикасының төзелеш һәм архитектура буенча дәүләт экспертизасы һәм бәя кую идарәсе проект документларына дәүләт һәм дәүләти булмаган экспертиза үткәрүне тормышка ашыра, аның составына капиталь төзелеш объектының цифрлы мәгълүмат моделе керә ала.
Бүген Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин Биектау муниципаль районында төзелеш һәм капиталь ремонт объектларында булды. Министрны Биектау муниципаль районы башлыгы Фәрит Хисаметдинов озатып йөрде. Төзелеш-монтаж эшләренең барышы турында аңлатмаларны “ТР ГИСУ” ГКУ директоры урынбасары Илнар Солтанов һәм подрядчы оешма вәкилләре бирде.
Торак-коммуналь хуҗалык системасындагы үзгәрешләр һәм 2022 елда тармакның яңа эш кагыйдәләре турында «Бердәм Россия» төбәк иҗтимагый кабул итү мәйданчыгында Татарстан Республикасы төзелеш, архитектура һәм торак-коммуналь хуҗалык министры урынбасары Илдус Насыйров сөйләде.
2022 елның 5-8 октябрендә Казанда Экспо Халыкара күргәзмә үзәгендә Халыкара төзелеш чемпионаты узачак. Чара сәнәгать төзелеше өлкәсендә профессионалларны, яшь белгечләрне-студентларны берләштерә. Чемпионатта 27 ил, шул исәптән ШОС, БРИКС, ЕАЭС, БДБ, шулай ук Бангладеш, Кувейт, Лаос, Венгрия, Мисыр, Нигерия, Берләшкән гарәп әмирлекләре, Израиль, Сербия, Катар, Иран һәм Төркия вәкилләре катнашачак.
Татарстанда күп фатирлы йортларны капиталь ремонтлау программасы 79% ка үтәлгән. 67 йортта соңгы стадия эшләре керде. 87 торак объектта эшләр тулысынча тәмамланган. ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәте Йортында узган республика киңәшмәсендә әнә шундый мәгълүматлар белән чыгыш ясады.
Татарстан Республикасының Дәүләт төзелешен күзәтү инспекциясе тарафыннан Казан шәһәренең «Салават Күпере» торак районындагы «Сандугач» торак комплексында яңа йортларга проект документларының туры килүе турында бәяләмә бирелде.
Яшьләр хөкүмәтенең яңа составын формалаштыру буенча конкурста катнашу өчен гаризалар 27 июльгә кадәр кабул ителә.
Россия Төзелеш министрлыгының 03.06.2002 ел, № 446/пр боерыгы нигезендә, 2022 елның 1 сентябреннән кулланыла башлаячак объектны төзүгә һәм файдалануга тапшыруга рөхсәтнең яңа формалары расланды.
Илкүләм проектлар һәм дәүләт программалары кысаларында белем бирү объектлары төзелеше, 3 мәктәп буенча, шулай ук мәктәп белән балалар бакчасы уртак проекты буенча эшләр башкару 70% ка җитте. Иң югары үтәлеш проценты Байлар Сабасында теркәлгән - 90%. Балалар бакчасында төзү-монтаж эшләренең күләме 35% тәшкил итә. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте. Киңәшмәне Татарстан Премьер-министры Алексей Песошин уздырды.
Татарстанда торак төзү эшләре кызу темплар белән бара. Социаль ипотека программасы кысаларында тапшырылырга тиешле 150 мең квадрат метрның 100 меңе шәхси торак линиясе буенча 1 млн 319 мең кв. метры - 9 мең 452 йорт яки планның 78% ы файдалануга тапшырылган. Коммерция секторында төзүчеләр планканы 62% ка арттырып, агымдагы датага 148 күпфатирлы йортның 79ын тапшырдылар. Файдалануга тапшырылган торак мәйданы 576 мең квадрат метр тәшкил итә. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.