ТР Төзелеш министрлыгында ипотека базары перспективалары турында сөйләштеләр
Бүген ТР Төзелеш, архитектура һәм ТКХ министрлыгында «түгәрәк өстәл» артында Татарстанда төзелеш һәм торак программаларын үстерү турында сөйләштеләр. Чарада министр урынбасары Илшат Гыймаев, шулай ук республиканың эре төзүчеләре һәм кредит оешмалары вәкилләре катнашты.
Түгәрәк өстәл кысаларында катнашучылар күчемсез милек һәм ипотека продуктлары базарының җанлануы турында фикер алышты.
“Төп индикатор һәм катализатор булып, әлбәттә, ташламалы ипотека тора. Шуны әйтә алабыз: ике ел эчендә 24 меңгә якын ташламалы ипотека кредиты бирелгән, гомуми суммасы 63 млрд.сум”, – дип билгеләп үтте Илшат Гыймаев. Аның сүзләренә караганда, агымдагы елда 8 млрд.237 мең сумлык 3270 ташламалы ипотека кредиты бирелгән. “Моңа ташламалы ипотека буенча 7 процент ставкасы белән уза торган банк программалары ярдәм итә”, - диде ул.
Фикер алышу барышында спикерлар билгеләп үткәнчә, ипотека кредитын үстерүнең төп проблемалары - халыкның керем дәрәҗәсен киметү, беренчел взноска акча җыю булмау, шулай ук беренчел кертем сыйфатында ана капиталының җитәрлек булмавы.