ЯҢАЛЫКЛАР
Торак төзелеше программалары буенча 2022 елга план 7% ка арттырып үтәлгән. Бүгенгә 2 миллион 954 мең кв.м. файдалануга тапшырылган, бу хакта ТР Хөкүмәт Йортында узган киңәшмәдә республиканың Төзелеш, архитектура һәм ТКХ министрының беренче урынбасары Алексей Фролов хәбәр итте.
«Торак» федераль программасы кысаларында эшләр биш мәгариф объектының өчесендә дәвам итә. Сәламәтлек саклау өлкәсендә 61 объектның 4се өстендә эш дәвам итә. Шуларның 2се илкүләм проект кысаларында төзелә торган беренчел буын сәламәтлек саклау оешмалары. Тагын 2 объект республика программасы буенча төзелә.
Халыкка комплекслы хезмәт күрсәтү һәм аларны авыл торак пунктларында җиһазлар белән тәэмин итү республика программасы кысаларында Татарстан Республикасында 51,5 млн. сумга 13 объектны төзү эшләре тәмамланган.
2022 елның 18 ноябрендә Татарстан Төзелеш, архитектура һәм торак-коммуналь хуҗалык министрлыгында «Төзелештә шәһәр төзелеше эшчәнлеге һәм бәяләү кануннарында үзгәреш, проект документларына дәүләт экспертизасы үткәрү үзенчәлекләре» темасына багышланган очрашу узды.
«19 гасыр азагында салынган гимназия бинасы» мәдәни мирас объекты Лаеш шәһәренең Ленин урамы, 31 нче йорт адресы буенча урнашкан. Барлык реставрация эшләре тәмамланганнан соң, бинада Казан губернасының Лаеш өязендә туган Гавриил Романович Державинга багышланган музей ачылачак.
«Торак фонды мониторингы» дәүләт мәгълүмат системасы буенча, төзү-монтаж эшләре 753 йортның 697сендә тулысынча тәмамланган. 56 КФЙда эшләр дәвам итә. Бу хакта ТР Төзелеш, архитектура һәм ТКХ министрының беренче урынбасары Алексей Фролов ТР Хөкүмәте Йортында Татарстан Республикасы Премьер-министры Алексей Песошин катнашында узган киңәшмәдә хәбәр итте.
ТР Хөкүмәт Йортында узган киңәшмәдә ТР Төзелеш, архитектура һәм ТКХ министрының беренче урынбасары Алексей Фролов социаль әһәмияткә ия биналарны төзекләндерү программаларын гамәлгә ашыру турында сөйләде.
2023 елның 1 гыйнварында Россиядә яңа комплекслы «Төзелеш» дәүләт программасы эшли башлаячак. Бу хакта РФ Төзелеш министрлыгы башлыгы урынбасары Юрий Гордеев сөйләде.
Төзелеш һәм торак-коммуналь хуҗалык өлкәсендә алдынгы тәҗрибәләрне иң яхшы яктыртуга «Созидание и развитие» VII Бөтенроссия массакүләм мәгълүмат чаралары конкурсы старт ала. Конкурсны Россия Федерациясе Төзелеш һәм торак-коммуналь хуҗалык министрлыгы «Территорияләрне үстерү фонды»г авами-хокукый компаниясе белән берлектә үткәрә.
Төзелештә һәм проектлауда контрактлар буенча заказчылар һәм подрядчыларның уңышлы хезмәттәшлеген үстерү максатыннан, Екатеринбургта WORLD BUILD STATE CONTRACT төзелешендә сатып алу өлкәсендә өченче халыкара форум узачак. Форум 2023 елның 2 мартында Екатеринбургта турыдан-туры һәм бөтен Россия территориясендә онлайн режимда узачак.