ЯҢАЛЫКЛАР
2022 елның 3 июнендә Казанда «Калейдоскоп» паркы территориясендә «Халыкара Күршеләр көне» бөтенроссия акциясен үткәрү планлаштырыла.
ТР Теләче районы Алан авылында яңа фельдшер-акушерлык пункты ачылды. 84,3 квадрат метр мәйданлы модульле бина «Сәламәтлек саклау» илкүләм проектының Татарстан Республикасы сәламәтлек саклавының беренчел звеносын модернизацияләү программасы акчасына төзелде.
Иң яхшы төзелеш оешмасы, төзелеш материаллары, төзелеш индустриясе предприятиесе XVIII Бөтенроссия конкурсы старт алды. Конкурсның максаты: төзелеш комплексының иң нәтиҗәле эшләүче оешмаларын һәм предприятиеләрен билгеләү, аларны иҗтимагый тану, алдынгы тармак тәҗрибәсен пропагандалау һәм тарату.
Бүген Халыкара балаларны яклау көнендә Татарстанның Биектау районы Дөбъяз авылында капиталь ремонттан соң Салих Сәйдәшев исемендәге сәнгать мәктәбе ачылды.
«Татарстан Республикасы студентлар лигасы» төбәк яшьләр иҗтимагый оешмасы социаль ипотека программасы буенча торак алуга яшьләр торак конкурсы үткәрә.
Конкурста Татарстан территориясендә теркәлгән һәм хезмәт эшчәнлеген алып баручы 18 яшьтән 35 яшькә кадәрге Россия гражданнары катнаша ала. Конкурста башкарма хакимият органнарының яшь хезмәткәрләре, ведомство карамагындагы учреждениеләр һәм оешмаларның яшь белгечләре, яшьләр үзидарәсе органнары һәм яшьләр берләшмәләре активистлары катнаша ала. Шулай ук предприятиеләрдә һәм оешмаларда, дәүләтнеке булмаган оешмаларда яшьләр белән эшләү өчен җаваплы хезмәткәрләр дә бар.
ТР Төзелеш, архитектура һәм ТКХ министрлыгында «түгәрәк өстәл» барышында республиканың төзелеш комплексы өчен яңа мөмкинлекләр турында фикер алыштылар. Чарада министр урынбасары Илшат Гыймаев, шулай ук республиканың эре төзүчеләре һәм кредит оешмалары вәкилләре катнашты.
Түгәрәк өстәл барышында катнашучылар ташламалы ипотека буенча процент ставкасын яңадан карау, шулай ук ташламалы гаилә ипотека буенча кредитның максималь күләмен арттыру мәсьәләләре буенча фикер алышты. “Бездә ташламалы ипотека - 9%, Татарстан өчен кредитның максималь күләме -6 млн. сум, беренчел взнос – торак бәясенең 15% тәшкил итә. Бу программа буенча бездә 25 апрельгә 5,8 млрд. сумга 2,4 мең кредит бирелгән, бу программа буенча ставка киметелсә, кредитлар саны артыр дип уйлыйм. Әлегә мондый карар юк – көтәбез”, - диде Илшат Гыймаев. Шулай ук ул билгеләп үткәнчә, һәр шәһәр өчен ташламалы ипотека буенча үз лимиты булырга тиеш.
Татарстан республика һәм федераль программалар буенча социаль-мәдәни өлкә объектларына һәм күп фатирлы йортларга капиталь төзекләндерү эшләре дәвам итә. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Төзелеш, архитектура һәм ТКХ министры Марат Айзатуллин хәбәр итте. Киңәшмәне Татарстан Президенты Рөстәм Миңнеханов алып барды. Киңәшмәдә шулай ук ТР Премьер-министры Алексей Песошин да катнашты.
Бүген ТР Төзелеш, архитектура һәм торак-коммуналь хуҗалык министрлыгында Татарстан төзелеш комплексында кирпеч җитештерү һәм аны куллануны киңәйтү перспективалары буенча фикер алыштылар. Киңәшмәне министр урынбасары Илшат Гыймаев үткәрде. Чарада шулай ук Казанның баш архитекторы Илсөяр Төхвәтуллина, Яр Чаллы шәһәренең баш архитекторы Мәликә Шәмсиева, кирпеч заводлары җитәкчеләре, шулай ук Казан дәүләт архитектура-төзелеш университеты вәкилләре катнашты