ЯҢАЛЫКЛАР
Республика клиник туберкулезга каршы диспансер бинасын төзүгә республика казнасыннан 174,9 млн. сум акча тотылган. Биш катлы яңа бинаның мәйданы 1,9 мең квадрат метр тәшкил итә. Проект “Татинвестгражданпроект” ДУП тарафыннан эшләнгән. Төзелеш эшләре заказчысы – ТР Инвестиция-төзелеш баш идарәсе, генераль подрядчысы – “Татлизинг” ДУПсе. ТР Инвестиция-төзелеш баш идарәсе директоры урынбасары Станислав Шырыбыров әйтүенчә, бинаның техник катында махсус җилләтү җиһазы урнаштырылган.
Утырыш башланганчы Рөстәм Миңнеханов Зәй шәһәренең яңа Агросәнәгать паркын карады. Объект үткән елның декабрендә ачылган. Товарлар үз җитештерүчеләреннән, шулай ук Түбән Кама, Мамадыш, Балык Бистәсе һәм башка районнар фермерларыннан килә.
Татарстан Республикасының Тукай районында 140 урынлы балалар бакчасы төзелде. 2,6 мең квадрат метрлы балалар учреждениесе Иске Ерыклы авылында, Солидарная, 17 урамында урнашкан.
1 февральдә «Салават Күпере» торак комплексында 4нче номерлы Балалар шәһәр сырхауханәсенең филиалы ачылды.
Казанда “Салават Күпере” микрорайоны янында тагын бер социаль инфраструктуры объекты – янгын депосы төзелеше тәмамланды. Ул Казанның Киров районында, Залесный бистәсе, Лесопарковая, 19 урамында урнашкан.
Бүген Россия Федерациясе Хөкүмәте Рәисе урынбасары Татьяна Голикова һәм Татарстан Республикасы Президенты Рөстәм Миңнеханов Казанда быел август аенда узачак WorldSkills һөнәри осталык буенча дөнья чемпионаты объектларын карадылар.
Татарстан Республикасы Лениногорск районының Туктар Урдаласы авылында модульле технология буенча төзелгән яңа фельдшерлык-акушерлык пункты ачылды.
17 гыйнварда Казан архитектура-төзелеш университеты бинасында Татарстан Республикасы Төзелеш, архитектура һәм торак-коммуналь хуҗалык министрлыгының коллегия утырышы узды. Коллегиядә ведомствоның 2018 елда эшчәнлегенә нәтиҗә ясалды һәм алдагы 2019 елга бурычлар билгеләнде.
ТР Аксубай шәһәр тибындагы поселогында заманча җиһазланган модульле яңа чаңгы базасын ачу тантанасы узды.
Татарстан Республикасы Зәй районының Бохарай авылында заманча модульле фельдшерлык-акушерлык пункты ачылды.