«СВЕЙ» фирмасының соңгы озак төзелеше - Казан шәһәрендәге Заслонов урамындагы 18 катлы йорт файдалануга тапшыруга рөхсәт алды. Бина төзелешен өлешчеләргә ярдәм итү буенча республика программасы ярдәмендә төгәлләргә мөмкин булды. 2020 елдан башлап яңа төзүче сыйфатында «Бриз»төзелеш компаниясе чыгыш ясады. 18 катлы йортта 144 фатир исәпләнә, аларның гомуми мәйданы 10 274,6 кв.метр тәшкил итә. Бу Казанның 2021 елда файдалануга тапшырылган сигезенче проблемалы йорты инде. Ел башыннан өлешләп төзүдә катнашкан 2332 кеше хокуклары торгызылды.

Бүген Түбән Камада шәһәрдә иң югары торак йорттан ачкычлар тапшыру тантанасы булды. Түбән Кама муниципаль районы Башкарма комитеты җитәкчесе Рамил Муллин фатир хуҗаларын әлеге шатлыклы вакыйга белән котлады. Әлеге объект эскроу счетларын кулланып проект финанславы кысаларында төзелде. Түбән Кама муниципаль районы Башкарма комитеты һәм ТР төзелеш, архитектура һәм торак-коммуналь хуҗалык министрлыгы ярдәме белән, торак программасын тормышка ашыру кысаларында, йорт агымдагы елның октябрь ахырында файдалануга тапшырылды. Төзүче - «Безнең йорт» ИК» ҖЧҖ. Егерме катлы бинада 133 фатир бар: 38 бер бүлмәле, 76 ике бүлмәле һәм 19 өч бүлмәле, гомуми мәйданы 7 мең квадрат метрдан артык. 55 урынга исәпләнгән җир асты парковкасы, шулай ук 78 автомобиль өчен җир өсте парковкасы бар.

2021 елның 12 ноябрендә Татарстан Республикасы төзелеш, архитектура һәм торак - коммуналь хуҗалык Министрлыгында «Шәһәр төзелеше эшчәнлеге һәм төзелештә бәя кую турындагы законнарны үзгәртү. Төзелештә смета бәясенең дөреслеген һәм сметалы нормалаштыруның дөреслеген тикшерү өлешендә проект документларына дәүләт экспертизасын үткәрү үзенчәлекләре» семинары үткәреләчәк. Семинарны «Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ оештыра. Семинар шәһәр төзелеше эшчәнлеге һәм төзелештә бәя кую өлкәсендә Рәссәй Федерациясе законнарындагы соңгы үзгәрешләрне аңлатуга, проект һәм смета документларына дәүләт экспертизасы үткәрү буенча сорауларга җавап бирүгә багышланачак. Семинарда Рәссәй Федерациясе Төзелеш һәм торак-коммуналь хуҗалык министрлыгы, «Рәссәйнең баш дәүләт экспертизасы» ФАУ, «Дәүләт экспертизасы үзәге» Санкт-Петербург ДАУ, «Дәүләт экспертизасы идарәсе» Свердловск өлкәсе ДАУ вәкилләре катнашачак. Ел саен чарада Татарстан Республикасының да, регионнарның да төзелеш тармагы белгечләре катнаша. Алар арасында дәүләт заказчылары, заказ бирүчеләр (инвесторлар), заказ бирүче-төзүчеләр, подрядчы, төзелеш һәм проект оешмалары, югары һөнәри белем бирү мәгариф учреждениеләре.

Социаль һәм мәдәни өлкә объектларын капиталь ремонтлау республика программаларына 3,5 мең объект кертелгән (3481), ә финанс күләме 23 млрд. сумнан артык. Бүгенге көндә алар буенча эшләр күләме 95%ка үтәлгән. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Киңәшмәне Татарстан Республикасы Президенты Рөстәм Миңнеханов уздырды

Рөстәм Миңнеханов Тынычлык бистәсендә чаңгы ярышлары һәм биатлон буенча спорт комплексы төзелешенең барышы белән танышты

Объектлар төзү буенча республика программалары 87%ка үтәлгән

Владимир Кудряшев: «Төзелеш компанияләре BIM-технологияләрне куллануга күчәргә әзер»

Алексей Фролов һөнәри осталык буенча «EuroSkills Graz 2021» Европа чемпионаты призерлары белән очрашты

Тәтештә ятим балалар фатир ачкычлары алдылар

Рөстәм Миңнеханов: беренче чираттагы һәм социаль йөкләмәләрне үтәү өчен катгый финанс дисциплинасын үтәүне дәвам итәргә кирәк