Казанның "Ярат" торак комплексында 260 урынга исәпләнгән балалар бакчасы төзелә башлады
Шәһәрнең Совет районында Бохара урамында 260 урынга исәпләнгән балалар бакчасы төзелә башлый, тәрбияләнүчеләрне 14-20 кешелек 14 төркемдә урнаштыру планлаштырыла. Беренче тапкыр мәктәпкәчә учреждениенең дизайн-проектын эшләгәндә торак комплексның йортлары фасадларының бизәлеше исәпкә алынган.
Төзелә торган ике катлы балалар бакчасы участогының мәйданы 9 мең кв. м тәшкил итә, төзелеш мәйданы 3 мең кв.м. территориядә күләгәле түбәле 14 балалар мәйданчыгы һәм тагын ике физкультура – спорт мәйданчыгы җиһазландырыла. 3 мең квадрат метрга якын территория яшелләндереләчәк, 1,4 мең квадрат метрга асфальт – бетон, тагын 1,2 мең квадрат метрга тротуарлар салыначак.
Төзелеш мәйданчыгында Казан мэры Илсур Метшин, шулай ук шәһәр Башкарма комитеты җитәкчесенең шәһәр төзелеше сәясәте буенча беренче урынбасары Азат Нигъмәтҗанов, Совет районы администрациясе башлыгы Роман Фәтхетдинов, мәгариф идарәсе башлыгы Ирек Ризванов һәм башка рәсми затлар булды.
"Ил Президентының соңгы мөрәҗәгатендә социаль инфраструктурага инвестицияләр кертү, балалар бакчалары һәм мәктәпләр төзү турында тәкъдим яңгырады. Казан да бу эштә катнашачак. Хәзер без Азино торак массивы белән янәшә торабыз, анда башта торак төзелгән, ә аннары гына социаль инфраструктура. Бу торак комплекста ике йорт тапшырылган, калганнары төзелә, әмма инде беренче Социаль инфраструктура объектлары булдырыла. Якындагы участокта мәктәп төзелеше проектланган", - дип билгеләп үтте шәһәр башлыгы.
Исегезгә төшерәбез, Казан миллионлы шәһәрләр арасында, төзелгән мәгариф учреждениеләре саны буенча Мәскәү һәм Санкт-Петербургтан кала, лидерлыкны саклап кала. 10 ел эчендә Татарстан башкаласында 90 балалар бакчасы һәм 25 мәктәп төзелде. Социаль объектлар, бигрәк тә балалар өчен, теләсә нинди мөмкинлекләр кулланыла. Мәсәлән, яңа мәктәпләр өчен буш җир участоклары булмаган һәм аларга ихтыяҗ зур булган микрорайоннарда, зурлыгы буенча кайвакыт төп биналардан зуррак булган, булган учреждениеләрнең өстәмә корпуслары төзелә.