Казанда «Фиджитал-үзәк " ачылды
Бүген РФ Хөкүмәте Рәисе урынбасары Дмитрий Чернышенко һәм Россия спорт министры Олег Матыцин Казанда фиджитал-үзәк ачтылар. Ул Универсиада Авылы территориясендә урнашкан. Татарстан башкаласындагы үзәк Россиядә өченче урында тора.
«Фиджитал-үзәк» территориясе Спорт һәм киберспорт зоналарын үз эченә ала. Спорт зонасында мини-футбол, баскетбол (стритбол) һәм воркаут өчен мәйданчыклар бар. Киберспорт зонасы компьютер залыннан, уен консольләре зонасыннан һәм виртуаль чынбарлык зонасыннан тора. Шулай ук территориядә медицина кабинеты, фудкорт зонасы белән коридор, хатын-кызлар һәм ир-атлар киенү бүлмәсе, инвентарь бүлмәсе һ. б. бар.
"Фиджитал хәрәкәте планета буйлап бара. Безнең барлык субъектларда диярлек фиджитал-федерацияләр оештырылган. 63 илдә бу хәрәкәт ачык, ягъни аны туктатып булмый. Идел буе университетында методик стандартлар булдыру өчен белгечләр әзерләнәчәк фиджитал-үзәк булдырылуы символик", - дип билгеләп үтте Чернышенко.
РФ Спорт министрлыгы башлыгы Казанда мондый үзәкнең ачылуын киләчәккә кертем дип атады.
Иртәгә, 21 февральдә, Казанда «Киләчәк уеннары» Ачылу тантанасы була. Турнирда дөньяның 107 иленнән 2 меңгә якын кеше катнашачак.