Чистайда социаль ипотека программасы кысаларында яңа торак йорт төзелде

2023 елның 20 декабре, чәршәмбе

Чистайда социаль ипотека программасы буенча яңа йорт төзелде. Яңа төзелгән йортның адресы: Шәмсетдинов урамы, 18 нче йорт. Объектка проект документациясе таләпләренә туры килү турында нәтиҗә бирелгән.

Тышкы инженерлык челтәрләре булган йортта 5 кат, лоджияле 50 фатир бар, аларның гомуми мәйданы 1639,40 кв.метр. Бер бүлмәле фатирлар 40, ике бүлмәле 10. Бинаның гомуми мәйданы 2034,20 кв.метр тәшкил итә.

Йорт «торак һәм шәһәр мохите» милли проектын гамәлгә ашыру кысаларында төзелгән һәм «социаль ипотека»дәүләт программасында катнашучылар өчен билгеләнгән.