Казандагы Самосыров полигонын рекультивацияләү 86 процентка башкарылган

2023 елның 26 октябре, пәнҗешәмбе

"Экология" милли проектының "Чиста ил"федераль проекты кысаларында Казан шәһәренең Мамадыш тракты урамындагы Самосыров полигонын рекультивацияләү буенча эшләр дәвам итә. Объектның әзерлеге 86% тәшкил итә.

Хәзерге вакытта объектта белгечләр дегазация системасын төзү буенча эшләрне тәмамлыйлар 90 %, туфракның уңдырышлы катламын төзү буенча 77,84%, үләннәр чәчү буенча 61,10%.

Рекультивациянең төп максаты-эшләми торган чүплекнең туфракка, җир асты суларына һәм атмосферага тискәре йогынтысын киметү, рекультивацияләнгән территорияне Казанның функциональ зоналаштыруына ярашлы рәвештә куллануның алга таба мөмкинлеген тәэмин итү.