Күп фатирлы йортларны капиталь ремонтлау программасы соңгы стадиягә керә

Татарстанда күп фатирлы йортларны капиталь ремонтлау программасы 79% ка үтәлгән. 67 йортта соңгы стадия эшләре керде. 87 торак объектта эшләр тулысынча тәмамланган. ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәте Йортында узган республика киңәшмәсендә әнә шундый мәгълүматлар белән чыгыш ясады.

Мәгариф объектларын капиталь ремонтлау 66% ка үтәлгән. 22 балалар бакчасының 20се эштә кала, 67% - ы эш башкарыла. Министр мәгариф өлкәсендәге барлык объектларны 20 августка кадәр капиталь ремонтлауны тәмамларга кирәклеген искәртте.

“Сәламәтлек саклау” тармагы өлкәсендә федераль һәм республика программалары буенча гамәлгә ашырыла торган беренчел звено объектларының гомуми саныннан яртысыннан артыгы файдалануга тапшырылган. Алар буенча төзү-монтаж эшләре 66% ка башкарылган. Стационарларны капиталь ремонтлау республика программасы буенча 24 объект ремонтланган-төзелеш-монтаж эшләренең гомуми күләменнән 77%.

«Мәдәният» программасы буенча эшләрнең үтәлеше 68% тәшкил итте. Экология һәм табигый ресурслар саклау өлкәсендә 2 программа чарасы тормышка ашырыла. Тулаем алганда, аларның үтәлеше 46% - ка бәяләнә. Подрядчыларның эшендә 28 объект кала. Өч объект тәмамланган.

Яшьләр үзәкләрен ремонтлау программасы 68% ка үтәлгән. Быел 6 объект кергән сәламәтләндерү лагерьларын ремонтлау программасы 61% ка үтәлгән.

«Халыкны эчәргә яраклы су белән тәэмин итү» программасы буенча төзү-монтаж эшләре 47% ка башкарылган. “Бюджет учреждениеләре котельныйларында казаннарны алыштыру белән газ куллану челтәрләрен реконструкцияләү һәм капиталь ремонтлау” программасы буенча подрядчыларның эшендә 40 объектның 22се тора. Бу атнада Азнакай, Актаныш, Алабуга, Лениногорск, Мамадыш, Минзәлә, Мөслим, Түбән Кама һәм Сарман районнарында эшләр тәмамланган. Эшләрне башкару 74% тәшкил итте.

«Чиста су» федераль проекты кысаларында Нурлат шәһәре өчен су алу, су белән тәэмин итү системасы төзелеше яртысыннан артыгы гамәлгә ашырылган.