ТР Төзелеш министрлыгында өлешле инвестицион торак төзелеше турыында фикер алыштылар
Бүген Татарстан Республикасы Төзелеш, архитектура һәм торак-коммуналь хуҗалык министрлыгында агымдагы икътисадый шартларда өлешләп төзү мәсьәләләре буенча чираттагы республика киңәшмәсе булды. Киңәшмәне ТР Төзелеш, архитектура һәм ТКХ министры урынбасары Илшат Гыймаев үткәрде.
Чарада ТР Дәүләт Советының Торак сәясәте һәм инфраструктура үсеше буенча комитеты рәисе Александр Тыгин, Казан шәһәре Башкарма комитеты җитәкчесенең шәһәр төзелеше сәясәте буенча беренче урынбасары Азат Нигъмәтҗанов, ТР Икътисад министрлыгы, ТР Дәүләт төзелешен күзәтү инспекциясе, торак төзүчеләренең Милли берләшмәсе, шулай ук республика төзүчеләре, вәкаләтле банклар һәм чакырылган кунаклар катнашты.
Үз чыгышында Илшат Гыймаев билгеләп үткәнчә, республикада хәзерге вакытта 1 миллион 197 мең кв. метр торак файдалануга тапшырылган, бу планның 43,5% ын тәшкил итә. “Хәзер якынча 1,8 млн квадрат метр мәйданлы 229 күп фатирлы йорт төзелеп килә, шуларның 92% тан артыгы эскроу счетларын кулланып гамәлгә ашырыла торган проектларга туры килә”, - дип сөйләде министр урынбасары.
Шулай ук Илшат Гыймаев билгеләп үткәнчә, бүгенге көндә ташламалы ипотека буенча мөһим һәм үз вакытында карарлар кабул ителгән, аерым алганда, ставканы 9% ка кадәр киметү һәм аны агымдагы ел азагына кадәр озайту, шулай ук 2012 елның 12 маеннан эшли башлаячак IT-белгечләр өчен ташламалы ипотека буенча еллык 5% ка кадәр.
«РТЮ» ААҖ филиалы Казан территориаль идарәсе буенча Горький тимер юлының фирма транспорт хезмәте күрсәтү буенча Казан агентлыгы башлыгы Елена Ашаева төрле йөкләрне тимер юл транспортында ташуның агымдагы мөмкинлекләре һәм тормышка ашырылуы турында сөйләде.
Торак төзүчеләренең Милли берләшмәсе җитәкчесе Кирилл Холопик Россия торак базарындагы вәзгыять турында ВКС режимында чыгыш ясады.
Рус-Азия сәнәгатьчеләре һәм эшкуарлары берлеге вице-президенты Максим Кузнецов импортның төшеп калучы күләмен алыштыру буенча Рус-Азия сәнәгать һәм эшмәкәрләр берлеге мөмкинлекләре турында сөйләде.