Татарстан Төзелеш министрлыгында каты коммуналь калдыклар белән эш итү мәсьәләләре буенча фикер уртаклаштылар

ТР Төзелеш, архитектура һәм торак-коммуналь хуҗалыгы министрлыгында каты коммуналь калдыклар белән эш итү өлкәсендәге мәсьәләләр буенча фикер алыштылар. Киңәшмәне ТР Төзелеш министрлыгы башлыгы Марат Айзатуллин үткәрде.

Фикер алышуда Татарстан Республикасы Президенты каршындагы Эшкуарлар хокукларын яклау буенча вәкаләтле вәкил – Татарстан Республикасы Президенты ярдәмчесе Фәрит Габделганиев, Татарстан Республикасы Дәүләт Советы депутаты, Торак сәясәте һәм инфраструктура үсеше комитеты рәисе Александр Тыгин, шулай ук Татарстан Республикасы министрлыклары һәм ведомстволары вәкилләре, Татарстан Республикасының Көнчыгыш һәм Көнбатыш зонасы төбәк операторлары һәм бизнес вәкилләре катнашты.

Очрашу барышында каты коммуналь калдыкларны коммерция исәбенә алу һәм аларның туплану нормативларына бәйле берничә мәсьәлә каралды.

Каты коммуналь калдыклар әйләнешен җайга салу иң актуаль һәм дулкынландыргыч темаларның берсе булып тора.

Марат Айзатуллин билгеләп үткәнчә, Татарстан каты коммуналь калдыкларны җыю өчен контейнерлар саныннан һәм күләменнән чыгып, коммерция исәпкә алу ысулына, бер үк вакытта аларны исәпкә алу методикасын раслап, «билгеләнгән» сүзләренә алмаштыру өлешендә, төзәтмәләр кертте. Алмаштыру, ташланган контейнерларны чүп ташуга чыгару фактын исәпкә алып, контейнер мәйданчыкларындагы контейнерларның саныннан һәм күләменнән чыгып, коммерция исәбен алу ысулын дөрес кулланырга мөмкинлек бирәчәк.

Исегезгә төшерәбез, Татарстан Республикасында каты коммуналь калдыкларны үлчәү буенча эш 2021 елның гыйнварыннан алып барыла. 2022 елда каты коммуналь калдыкларның өстәмә үлчәмнәрен үткәрү планлаштырылган, алар нәтиҗәләре буенча Татарстан Республикасы Министрлар Кабинетына тиешле карар проекты кертеләчәк. Каты коммуналь калдыкларны җыю нормативлары расланачак объектлар категорияләренең санын максималь рәвештә киңәйтү планлаштырыла.