Капиталь төзелеш объектларын су белән тәэмин итү һәм кулланылган суны агызу системаларына тоташтыру буенча яңа кагыйдәләр расланды
Март аенда капиталь төзелеш объектларын үзәкләштерелгән кайнар, салкын су белән тәэмин итү һәм (яки) кулланылган суны агызу системаларына тоташтыру (технологик тоташтыру) буенча яңа кагыйдәләр үз көченә керде. Кагыйдәләрдә тоташтыру процедурасы бар, шулай ук кулланыла торган төшенчәләргә аңлатмалар бирә.
Яңа кагыйдәләр тоташтыру процедурасын гадиләштерә һәм җентекләп регламентлый, капиталь төзелеш объектларын инженерлык-техник тәэмин итүнең күрсәтелгән челтәрләренә тоташтыру срокларын кыскарта. Шулай ук территорияне комплекслы үстерү кысаларында аны үтәүнең кайбер үзенчәлекләрен билгели.
Яңа кагыйдәләр нигезендә, тоташтыру турында гариза һәм кирәкле документлар дәүләт һәм муниципаль хезмәтләрнең бердәм порталы яки хезмәтләрне башкаручының рәсми сайты аша бирелергә мөмкин.
Элегрәк чыгарылган актлар һәм әлеге мәсьәлә буенча аерым нигезләмәләр үз көчләрен югалткан дип танылды.
Карар 2028 елның 1 мартына кадәр гамәлдә булачак.