Татарстан Дәүләт экспертизасы төзелеш объектларының цифрлы мәгълүмати модельләренә анализ ясады
Мәгълүмати модельләштерү технологияләрен гамәлгә кертү экспертизага тотылган вакытны кыскартырга, проект эшләүнең башлангыч этапларында хаталарны төзәтергә һәм объектның бәясен дөрес билгеләргә мөмкинлек бирә. Республикасының төзелеш һәм архитектура буенча дәүләт экспертизасы һәм бәя кую идарәсе экспертлары, республика капиталь төзелеш объектларының цифралы мәгълүмати модельләрен тикшерү нәтиҗәләре буенча, проект һәм смета документларына экспертиза үткәргәндә төрле хаталар буенча шундый карарга килделәр.
Автоматлаштырылган тикшерүләр махсус программа комплексында мәгълүмати модельләштерү технологияләрен кулланып үткәрелде.
Тикшерү нәтиҗәләре экспертизаның уңай бәяләмәсенә кертелә. Цифрлы мәгълүмати модельләрнең проект карарларына туры килгән очракта, бәяләмәдә җыелма модель тасвирламасы һәм сыйфатны күтәрү буенча рекомендацияләр бар. Цифрлы мәгълүмати модельләр туры килмәгән очракта, проект карарларына искәрмәләр гариза бирүчегә аерым мәгълүмат хаты белән җибәрелә.
«Татарстан Республикасының төзелеш һәм архитектура буенча дәүләт экспертизасы һәм бәя кую идарәсе» ДАУ тарафыннан 30га якын автоматлаштырылган тикшерү башкарылган.