"Салават күпере" ндә социаль ипотека йортлары төзелеше дәвам итә
Казанның «Салават Күпере» торак районының «Мәхәббәт» торак комплексында тугыз социаль ипотека йорты төзелеше дәвам итә. Аларның техник әзерлеге 11 проценттан 64 процентка кадәр. Йортлар төзү «торак һәм шәһәр мохите» милли проектының төп бурычларының берсен үтәргә мөмкинлек бирәчәк — гражданнарыбызны арзан һәм уңайлы торак белән тәэмин итү.
Йортлардагы барлык фатирлар сантехника, электр плитәләре, янгын сигнализациясе датчиклары, су, электр энергиясен исәпкә алу счетчиклары, җылылык регуляторлары һәм мәгълүматны читтән торып укуның автомат системасы белән җиһазландырылачак.
«Мәхәббәт» торак комплексында биш яңа корылма төзелеп беткән һәм кешеләр яши башлаган инде. Казанның 564 гаиләсенә социаль ипотеканың ташламалы шартлары буенча уңайлы торак бирелде.
"Мәхәббәт" заманча урбанистик таләпләрне исәпкә алып проектлана – бу гомуми файдаланудагы уңайлы урыннар, машинасыз ишегаллары, яшь өстенлекләре буенча ял итү зоналары, тыныч ял итү өчен дә, шау-шулы уеннар өчен дә барысы да бар.