Кукмара районы Камышлы авылында авыл клубы төзелде

2023 елның 4 декабре, дүшәмбе

Кукмара районы Камышлы авылында авыл клубы төзелеше тәмамланды. Ул Ленин урамында, 34 нче йортта урнашкан.

Бинаның мәйданы 150 кв. метрдан артык. Эчендә 45 урынга исәпләнгән тамашачылар залы урнаштырылган. Шулай ук клубта артистлар бүлмәсе һәм китапханә бар.

Объект илнең кечкенә шәһәрләрендә һәм бистәләрендә мәдәни тормышның сыйфатын һәм төрлелеген арттыруга юнәлдерелгән Мәдәният милли проектын гамәлгә ашыру кысаларында төзелгән.