Татарстанның Арча районында Шура мәдәният йорты төзелеше тәмамланды

2023 елның 16 ноябре, пәнҗешәмбе

Татарстанның Арча районы Шура авылында «Мәдәният» милли проектының «Мәдәни мохит» федераль программасы кысаларында авыл клубы төзелеше тәмамланды.

Хәзерге вакытта төзелеш-монтаж эшләре 100% ка башкарылган. Янәшәдәге территория төзекләндерелде. Бина су, җылылык, энергия белән тәэмин итү һәм канализация системалары белән җиһазландырылган.

Авыл клубы 45 урынга исәпләнгән. Бинада 2 санузел, фойе, методик кабинет, китапханә, сәхнәле актлар залы бар, шулай ук хуҗалык кабинетлары урнаштырылган. Бинага керү мөмкинлеге чикләнгән кешеләр өчен пандус җиһазландырылган.