Бөгелмәдә М. Җәлил урамындагы территорияне төзекләндерү эшләре төгәлләнде

2023 елның 15 сентябре, җомга

Татарстан Республикасы Бөгелмә шәһәрендә М.Җәлил урамы буенча үзәк сулыкка якын территориядә төзекләндерү эшләре төгәлләнде. Объектның 3 нче чиратын төзекләндерү «Торак һәм шәһәр мохите» илкүләм проектының «Уңайлы шәһәр мохитен формалаштыру» Федераль программасын гамәлгә ашыру нәтиҗәсендә мөмкин булды.

Агымдагы елда биредә территория планлаштырылган, бордюрлар урнаштырылган, брусчаткадан тротуарлар, велосипед юллары һәм территорияне яшелләндерү салынган.

Сулык янындагы пристаньда баганалар һәм каркас урнаштыру буенча эшләр башкарылган. Шулай ук брусчатка салу тәмамланган.