Әтнә районында паркны төзекләндерү эшләре төгәлләнде
Федераль һәм республика акчаларына җәмәгать урыннарын төзекләндерү буенча быел Татарстанда зур күләмле эш каралган. Бүгенге көндә 65 территория буенча эшләрнең гомуми үтәлеше 36% тәшкил итә. Программаның беренче объекты - Әтнә районында парк файдалануга тапшырылды. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Төзелеш, архитектура һәм ТКХ министры Марат Айзатуллин хәбәр итте.
Киңәшмәне Татарстан Республикасы Президенты Рөстәм Миңнеханов алып барды.Чарада шулай ук ТР Премьер-министры Алексей Песошин да катнашты.
Марат Айзатуллин шулай ук республикада башка программаларны гамәлгә ашыруның барышы турында да сөйләде. Әйтик, «Торак фондының яшәү өчен яраксызлыгын тотрыклы рәвештә киметүне тәэмин итү» федераль проекты буенча 545 кеше күчерелгән, алар элегрәк 6 мең 288 кв. м мәйданлы 228 фатирны биләгән.
Милли проектлар һәм дәүләт программалары кысаларында белем бирү объектлары төзелеше дәвам итә. 3 мәктәп, балалар бакчасы һәм мәктәп проекты буенча балалар бакчасы белән берләштерелгән проект буенча төзү-монтаж эшләре 39% ка башкарылган.
Сәламәтлек саклау тармагы буенча 61 объект төзелеше дәвам итә. Аларның күбесе беренчел звенога карый. Алар арасында 52 фельдшер-акушерлык пункты бар, аларның үтәлеше 70% тәшкил итә. Бу атнада Арча, Әтнә һәм Мамадыш районнарында объектлар тәмамланган. 7 объект буенча - 2 поликлиника, 3 РҮХ, 2 гомуми практика табибы офисы - үтәлеш 37% тәшкил итте.
«Стационарларны төзү һәм капиталь ремонтлау» республика программасы буенча төзелә торган стационар медицина учреждениеләренең 2 бинасындагы эшләр торышы 87% - ка бәяләнә.
Мәдәният учреждениеләре буенча 8 объект төзелә. «Мәдәният» милли проекты буенча 7 объект буенча эшләр 31% ка башкарылган. Чаллыда «Мастеровые» драма театры бинасы төзелеше 90% ка бәяләнә.
Әйләнә-тирәлекне саклау буенча 4 масштаблы федераль чара кысаларында эшләр бара. Казанда биологик чистарту корылмаларын реконструкцияләү 37% - ка үтәлгән, ләм кырларын рекультивацияләү - 10% – ка, Казанда Самосырово полигонын рекультивацияләү-37,5% - ка, Кама тамагында Куйбышев сусаклагычының ярларын ныгыту-9% - ка.
«Спорт» тармагында республика программалары кысаларында 6 ябык футбол манежы төзелә. Алар буенча эшләр 48% ка башкарылган. Бу атнада универсаль спорт мәйданчыклары һәм блок-модульле чаңгы базалары төзелеше кысаларында объект ябылды: Казанда Һади Такташ урамында спорт мәйданчыгы тәмамланды.
Шулай ук республика программалары кысаларында 6 балалар сәламәтләндерү лагере (эшләр күләме 55% тәшкил итә), эчке эшләр министрлыгының «Югары Ослан» (20%) административ бинасы, 9 Башкарма комитет бинасы (69%) һәм халыкка комплекслы хезмәт күрсәтү буенча 13 пункт (56%) төзелә.