Рөстәм Миңнеханов «Мирас-Наследие» балалар сәламәтләндерү лагерендә булды
Бүген Татарстан Республикасы Президенты Рөстәм Миңнеханов Яшел Үзән муниципаль районында «Мирас - Наследие» балалар сәламәтләндерү лагерендә булды. Чарада ТР Төзелеш, архитектура һәм торак-коммуналь хуҗалык министры Марат Айзатуллин катнашты.
Лагерь 1959 елда төзелгән һәм Яшел Үзән муниципаль районының Әйшә авыл җирлегендә урнашкан. Лагерь территориясе 8,3 гектардан артык мәйданны били. Татарстанда 2019 елдан бирле эшләп килүче «Җәй – балаларга» балалар һәм яшьләрнең ял итү һәм сәламәтләндерү учреждениеләрен капиталь ремонтлау, реконструкцияләү һәм төзү республика программасы кысаларында 2021 елда объектны реконструкцияләү эшләре тәмамланды.
Капиталь чара барышында корпусларның фасадларын, территорияне төзекләндерү, бизәкләү эшләре башкарылды, тәрәзәләр алыштырылды, яңа ишекләр һәм витраж бүлгеләр, барлык инженерлык системалары алыштырылды, төп зал ремонтланды, сәхнә җиһазлары монтажланды һәм җиһазлар сатып алынды, корпуслар эчендәге душ һәм санитар системалары төзелде.
Үткәрелгән капиталь ремонттан соң лагерьда 4 корпус (4 кешелек бүлмәдә урнаштыру белән), 5 кешелек бүлмәдә 1 корпус, тагын 1 корпус 4 кешелек бүлмәдә аз хәрәкәтләнүче төркемнәр өчен билгеләнгән, шулай ук 200 кешелек ашханә, клуб, 4 спорт мәйданчыгы (футбол, волейбол һәм баскетбол мәйданчыгы, воркаут), 4 остаханә - столяр, чүлмәк ясау, тегү остаханәсе, медиа-үзәк) эшли.