Казанда төзелеш тармагын цифрлаштыру турында фикер алыштылар

Казанда «Торак төзелеше: яңа үрләр һәм перспективалар» конференциясе булды.

Конференция кысаларында 2021 елда торак тапшыру күләме буенча ТОП-22 премиясе җиңүчеләрен һәм призерларын, иң яхшы төзүчеләрне бүләкләү, шулай ук кризиска каршы чаралар буенча фикер алышу булды. Әйдәп баручы ИТ-компанияләр девелоперлар өчен заманча ИТ-карарлар тәкъдим иттеләр.

Чарада ТР Төзелеш, архитектура һәм торак-коммуналь хуҗалык министрлыгының төзелеш комплексын үстерү идарәсе башлыгы Динар Сәгдатуллин, идарә рәисенең беренче урынбасары - ТР Сәүдә-сәнәгать палатасының үсеш һәм эшмәкәрлеккә ярдәм департаменты директоры Артур Николаев һ.б. катнашты.

Сәламләү сүзен Динар Сагдатуллин җиткерде. Аның сүзләренә караганда, бүгенге көндә республикада гражданнар тормышы өчен лаеклы һәм уңайлы шартлар булдыру өчен зур тәҗрибә тупланган.

«Татарстан девелоперлары 100 ел эчендә төзелеш тармагы үсеш алган ныклы инфраструктура каркасына нигез салдылар», — дип билгеләп үтте ул. Республика төзелеш министрлыгы вәкиле шулай ук искәрткәнчә, 2,67 млн.кв. метр торак тапшыру планында узган елда регионда 3 млн. кв. метрдан артык торак файдалануга тапшырылган.

Артур Николаев эшкуарлар өчен кризиска каршы чаралар турында фикер алышуның мөһимлеген билгеләп үтте. Аның сүзләренә караганда, регионның Сәүдә-сәнәгать палатасы төзүчеләрдән даими рәвештә  элемтәдә  һәм аны федераль дәрәҗәгә тапшыра.