Казан уңайлы яшәү өчен миллионлы шәһәрләр бишлегенә керде

Россия Төзелеш министрлыгы һәм ДОМ.РФ  үсеш институты тикшеренүләре нәтиҗәләре буенча Казан Россиянең 1 117 шәһәре арасында  уңайлы яшәү өчен миллионлы шәһәрләр бишлегенә керде.

Узган ел Россия шәһәрләре өлеше 10 процент пунктка – 44% ка кадәр арткан. 2024 елга, «Уңайлы шәһәр мохите формалаштыру» федераль проекты нигезендә, бу күрсәткеч 60% ка, 2030 елга – 80% ка җитәргә тиеш.

Шәһәр мохитенең сыйфат индексы ел саен Россия Федерациясе Төзелеш һәм торак-коммуналь хуҗалык министрлыгы тарафыннан исәпләнә.

Узган ел нәтиҗәләре буенча, миллионлы шәһәрләр арасында Мәскәү (293), Санкт-Петербург (256), Казан (210), Түбән Новгород (209), Новосибирск (195) иң уңайлы шәһәрләр дип табылган. 250 меңнән алып 1 млн.га кадәр халкы булган шәһәрләр арасында Төмән (233), Краснодар (225), Калининград (223), Чебоксар (220) тормыш өчен уңайлы дип табылды. Индекс нәтиҗәләре белән тулырак сылтама буенча танышырга мөмкин.

Индексны формалаштыруга торак, иҗтимагый-эшлекле һәм социаль-ял инфраструктурасы һәм алар янәшәсендәге киңлекләр, Яшел территорияләр, яр буйлары, урам инфраструктурасы һәм гомумшәһәр киңлекләре кебек шәһәр киңлекләренең иң кирәкле алты төрен характерлый торган 36 индикатор йогынты ясый. Аларның һәркайсы шәһәр тирәлеген характерлый торган алты күрсәткеч буенча бәяләнә -куркынычсызлык, уңайлылык, экологик яктан чиста булу, тәңгәллек һәм төрлелек, әйләнә-тирәлекнең заманча һәм хакимият органнарының нәтиҗәлелеге.

Һәр күрсәткеч ун баллы шкала буенча бәяләнә, сыйфатның йомгаклау индексын формалаштыралар. Шәһәр җыя ала торган максималь балл саны - 360. Әгәр сыйфат индексы 180 балл  булса, яхшы шәһәр мохите булып санала. План буенча 183 балл булса да, 2021 ел нәтиҗәләре буенча индексның уртача күрсәткече 184 балл тәшкил итте.