Тәтештә ятим балалар фатир ачкычлары алдылар

Тәтештә яңа дүрт фатирлы торак йортта яшәүчеләр фатир ачкычлары алдылар. Ул ятим балаларны торак белән тәэмин итү буенча дәүләт программасы буенча төзелгән.

Йортның гомуми мәйданы 128,3 кв. метр тәшкил итә. Яңа торак яшәү өчен тулысынча әзер: һәр фатирда сантехника, газ плитәсе, су, газ һәм электр энергиясен исәпкә алу счетчигы бар. Янгын сигнализациясе датчиклары да монтажланган, шәхси җылыту өчен ике контурлы казаннар урнаштырылган. Татарстан Республикасы Президенты йөкләмәсе буенча агымдагы елда республикада 636 ятим бала түләүсез торак белән тәэмин ителергә тиеш. 2021 елда социаль ипотека программасы буенча 280 мең кв.м. торак төзү планлаштырылган.