Татарстанның инвестиция-тозелеш баш идарәсендэ амбулатор-поликлиника учреждениеләрен капиталь төзекләндерү мәсьәләләренә багышланган киңәшмә узды
Бүген Татарстан Республикасының инвестиция-төзелеш баш идарәсе директоры Марат Айзатуллин «2018 елда амбулатор-поликлиника учреждение биналарын капиталь төзекләндерү» программасын гамәлгә кую мәсьәләләренә багышланган киңәшмә уздырды. Чара Татарстанның инвестиция-тозелеш баш идарәсендэ Яр Чаллы, Көньяк-Көнчыгыш һәм Көнбатыш җирле бүлекләре белән видеконференцэлемтә режимында узды. Анда шулай ук ТР төзелеш, архитектура һәм торак-коммуналь хуҗалыгы министры уранбасары Илдур Насыров, ТР Сәламәтлек саклау министрлыгы, проект һәм подряд оешмалары вәкилләре катнашты.
Искә төшереп үтәбез, 2018 елда Татарстан Республикасында амбулатор-поликлиника учреждениеләрен капиталь төзекләндерү программасы буенча 114 объектны төзекләндерү планлаштырылган. Гомуми финанслау күләме 3 млрд сумнан артык тәшкил итә.
Киңәшмә барышында объектларда төзелеш-монтаж эшләрен тәмамлауга бәйләнешле мәсьәләләр каралды. Оператив мәгълүматлар буенча, бүгенге көндә амбулатор-поликлиника учреждениеләрен капиталь төзекләндерү эшләре 84 процент күләмендә башкарылган.
Подряд оешмалары вәкилләренә мөрәҗәгать итеп, Марат Айзатуллин эшләрне тизләтергә һәм капиталь төзекләндерүне билгеләнгән вакытка тәмамларга тәкъдим итте.